Բաքվի փողոցներում մարդկային երիկամների առևտուր է կատարվում
Բաքվում կարելի է գնել ու վաճառել բացարձակապես ամեն ինչ, գրում է Haqqin.az-ը:
Սոցցանցերի օգտատերերը ակտիվորեն տարածում են հայտարարությունների լուսանկարներ, որոնց Բաքվի բնակիչներն այսօր են ականատես եղել:
Ականատեսները տեսել են միանգամից 3 հայտարարություն. «Վաճառվում է երիկամ, 1-ին խումբ, 40 հազար մանաթ», «Վաճառվում է երիկամ, 2-րդ խումբ, 50 հազար մանաթ»:
Երրորդ խմբի երիկամը կարելի է գնել 70 հազար մանաթով:
Ընդ որում՝ յուրաքանչյուր հայտարարության տակ նշված են բջջայինների տարբեր համարներ:
