Պուտինը դեռ չի կողմնորոշվել Սիրիայի հարցում. Էրդողան
Ռուսաստանը դեռ չի կողմնորոշվել սիրիական ճգնաժամի վերաբերյալ իր դիրքորոշման հարցում, հայտարարել է Թուրքիայի նախագահ Ռեջեփ Թայիփ Էրդողանը: Այս մասին հայտնում է թուրքական TRT Haber հեռուստաալիքը:
Էրդողանի խոսքով՝ սիրիական ռեժիմին Մոսկվայի ցուցաբերած օժանդակությունը անհանգստացնում է Թուրքիային:
Թուրքիայի նախագահը նշել է, որ Իրանն ու Ռուսաստանն այսօր բացահայտ օգնություն են ցուցաբերում սիրիական ռեժիմին:
Թուրքիան պահանջում է Սիրիայի տարածքում ստեղծել անվտանգության գոտի ու այնտեղ տեղակայել այնտեղ գտնվող սիրիացի փախստականներին, ասել է Էրդողանը՝ հավելելով, որ սիրիացի փախստականների հարցը ոչ միայն Թուրքիայի, այլև ամբողջ աշխարհի խնդիրն է դարձել:
Հիշեցնենք, որ երեկ Թուրքիայի նախագահը այցելել էր Ռուսաստան, որի ընթացքում հանդիպել էր Ռուսաստանի նախագահ Վլադիմիր Պուտինի հետ: Հանդիպման ընթացքում քննարկվել էր նաև սիրիական ճգնաժամը:
