10 հետաքրքիր կայք, որոնք ձեզ նոր բաներ կսովորեցնեն
Համացանցում, սոցցանցերից բացի, բազմաթիվ կայքեր կան, որոնք մեզ կդարձնեն ավելի զարգացած և խելացի:
Ձեզ ենք նարկայացնում այդ կայքերից 10-ը:
1. 4brain կայքի միջոցով կարող եք հետևել հետաքրքիր հոդվածների, հետազոտությունների և գրականության: Այստեղ կան հազարավոր վարժություններ, որոնք նախատեսված են տրամաբանական մտքի զարգացման համար: Այստեղ որոշակի ժամանակ անցկացնելով ՝ դուք կունենաք հնարավորություն ձեր հաջողություններին հետևելու:
2. LinguaLeo-ն հետաքրքիր խաղային ծրագիր է, որի միջոցով կարող եք սովորել տարբեր լեզուներ: Այն հասանելի է յուրաքանչյուր սմարտֆոնի համար: Դուք կարող եք ստեղծել սեփական կրթական ծրագիրը, որի միջոցով կարճ ժամանակահատվածում կտիրապետեք կոնկրետ լեզվին:
3. Мультатор կայքի միջոցով կարող եք նկարներ ստեղծել և հետո հետևել, թե ինչպես է հնարավոր դրանցով մուլտ ստեղծել: Փոքր տարիքում շատերս ենք նոթատետրի էջերին նկարել պատկերներ, որոնք արագ թերթելու դեպքում դառնում էին մուլտֆիլմ: Մեխանիզմը գրեթե նույնն է:
4. Boostbrain հավելվածի միջոցով կարող եք լուծել հազարավոր տրամաբանական խնդիրներ և խաղալ արագ կողմնորոշվելու հմտությունը զարգացնելու հնարավորություն: Գունավոր, հետաքրքիր խաղերը չեն հոգնեցնում և միաժամանակ՝ զարգացնում են մտավոր աշխատանքը:
5. Այցելելով guitarprofy կայքը՝ դուք օնլայն տարբերակով կսովորեք այն ամենը, ինչ պետք է կիթառ նվագելու համար: Այստեղ կան տարբեր մակարդակներ թե՛ սկսնակների համար, և թե՛ նրանց, ովքեր արդեն տիրապետում են կիթառի հմտություններին:
6. Ստեղնաշարի վրա արագ գրելու կարողությունը զարգացնող տարբեր միջոցներ կան: Բայց Клавогонки հավելվածը, թերևս, դրանցից ամենաուրախն է: Այստեղ պետք է սովորել ճիշտ օգտվել ստեղնաշարից, մասնակցել մրցույթի, որտեղ պետք է հավաքես տեքստն արագ և անսխալ:
7. web-paint հավելվածը սկսնակ նկարիչներին կսովորեցնի խորամանկություններ:
8. Եթե դուք ցանկանում եք շարունակել ձեր կրթությունն օնլայն, ապա այցելեք universarium-ի կայք, որտեղ տարբեր թեմաներով բազմաթիվ դասախոսություններ կգտնեք:
9. Եթե դուք ոգեշնչման աղբյուրի կարիք ունեք, ապա այցելեք 500px ISO, որտեղ կարող եք գտնել հրաշալի լուսանկարներ և դրանց ստեղծման պատմությունները: Այստեղ կան նաև մասնագիտական խորհուրդներ, թե ինչպես է պետք մշակել լուսանկարը:
10. joshworth.com կայքի միջոցով դուք կարող եք սկսել ճանապարհորդություն դեպի տիեզերք: Համակարգչային մկնիկի կուրսորի տեղափոխությամբ դուք կարող եք շարժվել մի մոլորակից մյուսը: Պատրաստվեք, սա երկար է տևելու:
Սիրարփի Աղաբաբյան
