Էդվարդ Նալբանդյանը հանդիպել է Ղրղզստանի արտգործնախարար Էրլան Աբդիլդաևի հետ

Սեպտեմբերի 14-ին ՀԱՊԿ անդամ երկրների արտգործնախարարների խորհրդի նիստին մասնակցելու նպատակով Դուշանբեում գտնվող ԱԳ նախարար Էդվարդ Նալբանդյանը հանդիպեց Ղրղզստանի արտգործնախարար Էրլան Աբդիլդաևի հետ։

Նախարարները հանգամանալից զրույց ունեցան երկկողմ համագործակցության զարգացման վերաբերյալ՝ վստահություն հայտնելով, որ ԵՏՄ-ին Հայաստանի և Ղրղզստանի անդամակցությունը լավ հնարավորություն է բացում երկու երկրների միջև տնտեսական փոխգործակցության ընդլայնման համար։

Հանդիպման օրակարգում էին ՀԱՊԿ, ԱՊՀ, ՄԱԿ, այլ միջազգային կազմակերպությունների շրջանակներում Հայաստանի և Ղրղզստանի համագործակցության հարցերը։