Մոսկվայում սերիական սեքսուալ մոլագարի են բռնել
Մոսկվայի Ոստիկանության աշխատակիցները տղամարդու են ձերբակալել, ում կասկածում են նվազագույնը 20 բռնաբարությունների մեջ, որոնք իրականացվել են վերջին մի քանի տարում:
Ինչպես հայտնի է դարձել, սեքսուալ մոլագարը ձերբակալվել է Գալյանովո շրջանում՝ փաստաթղթերի ստուգման ժամանակ: Իրավապահների մոտ կասկած է առաջացրել Տաջիկստանի քաղաքացու անձնագիրը, որը կեղծված է թվացել, հայտնում է ren.tv-ն:
Դրանից հետո ոստիկանները նրան տեղափոխել են բաժին: Ստուգման ժամանակ պարզվել է, որ նրա մատնահետքերը հայտնաբերվել են Մոսկվայի կենտրոնական շրջաններում նվազագույնը 12 կնոջ բռնաբարության էպիզոդներում:
Հայտնի է, որ տղամարդն իր զոհերի վրա է հարձակվել երեկոյան ժամերին: Նա հանցագործության կատարման համար ընտրել է միայնակ կանանց, նրանց հետ մտել շենքերի մուտքերը կամ թույլ լուսավորված բակերն ու բռնաբարել:
Իրավապահների տեղեկություններով՝ տղամարդը կարող է առնչություն ունենալ մեծ թվով բռնաբարությունների, որոնց թիվը կարող է հասնել 20-ի:
Մոսկվայի իրավապահ մարմինները հաստատել են բռնարարի ձերբակալության լուրը:
