Վիկտորյա Նուլանդն այսօր Կիև է ժամանել
ԱՄՆ պետքարտուղարի` եվրոպական ու եվրասիական հարցերով օգնական Վիկտորյա Նուլանդն այսօր ժամանել է Կիև: Այս մասին հայտնել է Կիևում ԱՄՆ դեսպանությունը:
«Այո, այդ այցն սկսվել է»,-Interfax-Ուկրաինային հայտնել են դիվանագիտական ներկայացուցչությունից:
Ավելի վաղ Ուկրաինայում ԱՄՆ դեսպանության մամլո ծառայությունը հայտնել էր, որ Նուլանդը Կիևում հուլիսի 15-16-ը կհանդիպի երկրի ղեկավարների, քաղաքական գործիչների, քաղաքացիական հասարակության ներկայացուցիչների ու գործարարների հետ՝ քննարկելու երկկողմ ու տարածաշրջանային հարցերի փաթեթ:
Հիշեցնենք, որ Նուլանդը մայիսի կեսին այցելել էր Ուկրաինա երկօրյա այցով:
