Կիևը Յանուկովիչին առաջարկել է դատարանում ապացուցել անմեղությունը
Ուկրաինայի նախագահ Պյոտր Պորոշենկոյի ադմինիստրացիան առաջարկել է երկրի նախկին նախագահ Վիկտոր Յանուկովիչին վերադառնալ Կիև ու իր անմեղությունը ապացուցել դատարանում, հայտնում է BBC-ի ռուսական ծառայությունը:
«Եթե Յանուկովիչը կարծում է, թե ինքն անմեղ է, ապա կարող վերադառնալ Ուկրաինա ու դա ապացուցել դատարանում»,-ասված է Ուկրաինայի նախագահի ադմինիստրացիայի մամլո ծառայության հաղորդագրության մեջ
Այդպես է Պորոշենկոյի շրջապատն արձագանքել երկրի նախկին նախագահ Վիկտոր Յանուկովիչի BBC-ին տված հարցազրույցին, որտեղ վերջինս 2014թ. փետրվարյան իրադարձությունների պատասխանատվությունը դրել էր «արմատականների վրա, որոնք որոշել էին գրավել իշխանությունը»:
«Յանուկովիչը երբեք չի կասեցրել ուժայիններին Եվրամայդանի ժամանակ խաղաղ ցուցարարների վրա հարձակումներից»,-հավելել են Պորոշենկոյի ադմինիստրացիայից:
BBC-ին տված հարցազրույցում Յանուկովիչը հայտարարել էր, թե ինքը ամեն կերպ փորձել է խուսափել բռնություններից:
