Իվանիշվիլին պատրաստ է օգնել Թբիլիսիի նոր կենդանաբանական այգու կառուցման հարցում
Վրացի միլիարդատեր Բիձինա Իվանիշվիլին իր ցավակցություններն է հայտնել ջրհեղեղի հետևանքով մահացած զոհերի ընտանիքներին ու ցանկություն հայտնել օգնել քաղաքին նոր կենդանաբանական այգու շինարարության հարցում, հայտնում է «Գրուզիա օնլայնը»:
«Բիձինա Իվանիշվիլին սգում է Թբիլիսիում տեղի ունեցած ողբերգության առնչությամբ ու ցավակցում է զոհերի ընտանիքներին:
«Քաղաքացի» միությունը ուսումնասիրում է ստեղծված իրավիճակն ու աշխատում է քաղաքին օգնելու կոնկրետ պլանի վրա ու կանի ամեն ինչ տուժածներին օգնելու համար: Միությունը նաև պատրաստակամություն է հայտնում օգնել մայրաքաղաքին նոր կենդանաբանական այգու կառուցման հարցում»,-ասվում է Իվանիշվիլիի ստեղծած հասարակական կազմակերպության տարածած հաղորդագրությունում:
