Հայաստանի հավաքականն արդեն Բաքվում է
Հայաստանի հավաքականն արդեն Բաքվում է և մարտական է տրամադրված խաղերի բացման արարողությունից մեկ օր առաջ:
«Մենք արդեն մեկ օր է, ինչ Բաքվում ենք, և թիմը բաղկացած է 6 անձից: Բնակվում ենք խաղերի մարզական ավանում:
Մեզ հետ է նաև Շվեդիայի հավաքականը, որի կազմում հայ մարզիկ կա: Հարևանությամբ տեղակայված են Գերմանիայի, Պորտուգալիայի, Շվեյցարիայի, Թուրքիայի և Հունգարիայի հավաքականները: Ընդհանուր խմբին կմիանան հունահռոմեական ոճի ըմբշամարտի հավաքականի մարզիները և մարզիչները:
Տրամադրվածությունը մարտական է, իսկ հավաքականը պատրաստ է պայքարի»,- իր ֆեյսբուքի էջում գրել է Եվրոպական առաջին խաղերի Հայաստանի հավաքականի մամուլի խոսնակ Կարեն Գիլոյանը:
Հայաստանի ներկայացուցիչներից առաջինը պայքարի մեջ կմտնի Ռոման Ամոյանը, ով 59 կգ քաշային կարգում կմենամարտի հունիսի 13-ին: Մյուս երեք մարզիկները կմենամարտեն հունիսի 14-ին:
