Թուրքիան, Ադրբեջանն ու Վրաստանն անցկացնելու են «Կովկասյան արծիվ» զորավարժությունները
Ադրբեջանական Trend լրատվական գործակալության փոխանցմամբ` Թուրքիան, Ադրբեջանն ու Վրաստանն անցկացնելու են «Կովկասյան արծիվ» (Kafkas Kartalı) համատեղ զորավարժությունները: Այս մասին նշված է Թուրքիայի զինված ուժերի Գլխավոր շտաբի կայքում:
Վերջինիս հաղորդմամբ` համատեղ զորավարժությունները Թուրքիայում անցկացվելու են մայիսի 31-ից մինչև հունիսի 10-ն ընկած ժամանակահատվածում:
Թուրքիայի ու Ադրբեջանի միջև ստորագրված ռազմական համաձայնագրով մայիսի 12-ից Բաքվում ու Նախիջևանում անցկացվել են համատեղ տակտիկական վարժանքներ, որոնց մասնակցել են տարբեր զորատեսակներ:
