ԻՊ-ի զինյալները Սիրիայի Պալմիրա քաղաքի հռոմեական թատրոնում մահապատժի են ենթարկել 20 մարդու
Բրիտանական Reuters լրատվական գործակալության փոխանցմամբ` «Իսլամական պետության» զինյալները Սիրիայի Պալմիրա վաղեմի քաղաքի հռոմեական թատրոնում մահապատժի են ենթարկել 20 մարդու: Իսլամականները նրանց մեղադրել են կառավարությանն աջակցելու մեջ:
Այս մասին հայտարարել է Մարդու իրավունքների պահպանման մոնիթորինգի սիրիական կենտրոնը: Զինյալները հանդիսականներ են հրավիրել` զանգվածային պատժին ներկա գտնվելու համար:
Ավելի վաղ ՄԱԿ-ում հայտարարել են, որ «Իսլամական պետություն» և «Ալ-Քաիդա» ահաբեկչական խմբավորումների կազմում մարտնչող ջիհադականները ներկայացնում են աշխարհի երկրների ավելի քան կեսը:
