Ռուսաստանը կարող է հարձակման անցնել ամռանը. Պորոշենկո
BBC-ի ուկրաինական ծառայությանը տված հարցազրույցի ժամանակ Ուկրաինայի նախագահ Պյոտր Պորոշենկոն հայտարարել է, որ Ռուսաստանի Դաշնությունը կարող է Ուկրաինայում ռազմական հարձակում սկսել արդեն ամռանը.
«Կարծում եմ, որ մենք պետք է պատրաստ լինենք դրան: Սակայն նրանց չենք տա սադրանք անելու դույզն-ինչ հնարավորություն: Դա ամբողջովին կլինի նրանց պատասխանատվության ներքո»:
Պորոշենկոն հայտարարել է, որ չի վստահում Ռուսաստանի նախագահ Վլադիմիր Պուտինին: Պորոշենկոն հավելել է, որ չի պատրաստվում ռազմական ճանապարհով հետ վերադարձնել չվերահսկվող տարածքները:
Ավելի վաղ Պորոշենկոն վստահություն էր հայտնել, որ իրենք ազատագրելու և վերականգնելու են Դոնեցկի օդանավակայանը, ինչը հարուցեց Արևմուտքի խորը դժգոհությունը, քանի որ դա հակասում է մինսկյան պայմանավորվածությունների իրագործմանը:
