Սթոլթենբերգը ողջունել է «Սուր նիզակներին» Թուրքիայի միանալը
Ռուսական РИА Новости լրատվական գործակալության փոխանցմամբ` ՆԱՏՕ-ի գլխավոր քարտուղար Յենս Սթոլթենբերգը Անթալիայում տեղի ունեցած Հյուսիսատլանտյան դաշինքի արտգործնախարարների հանդիպման արդյունքներով հայտարարություն է տարածել:
Սթոլթենբերգը նշել է, որ ՆԱՏՕ-ն ողջունում է Թուրքիայի որոշումը` կապված այն 7 երկրներից մեկը դառնալու հետ, որոնք մասնակցելու են արագ արձագանքման ուժերի խմբավորմանը, որոնք հայտնի են «Սուր նիզակներ» (Spearhead force) անվանմամբ.
«Մենք քննարկել ենք մեր գործընկերների և մասնավորապես ԵՄ-ի անվտանգության մարտահրավերների նկատմամբ մոտեցումները և շարունակել ենք պատրաստվել Վարշավայում կայանալիք մեր գագաթաժողովին, որը տեղի է ունենալու հաջորդ տարի:
Արևելքում մենք արևելքում դիտարկում ենք ռուսական ագրեսիայի սպառնալիք, իսկ հարավում` ծայրահեղականության ուժեղացում: Որպեսզի հետագայում մենք պատրաստ լինենք պահպանել դեմոկրատական բաց հասարակություն, մենք մեծացրել ենք արագ արձագանքման մեր ուժերը:
Ես ողջունում եմ Թուրքիայի որոշումը` կապված «Սուր նիզակներ» այդ խմբավորման աշխատանքներին մասնակցելու հետ` դրա կազմում ներառված վեց երկրների հետ միասին»:
