ՀՀ արտաքին պարտքը առաջին եռամսյակում ավելացել է 166 միլիոն դոլարով
ՀՀ պետական պարտքը 2015 թվականի մարտի 31-ին դրությամբ կազմել է 4 մլրդ 619.65 միլիոն դոլար։ Այդ թվում՝ արտաքին պարտքի մեծությունը կազմել է 3 մլրդ 924.44 միլիոն դոլար։ Այս մասին տեղեկացնում է ՀՀ ազգային վիճակագրական ծառայությունը։
Արտաքին պարտքի ծավալը տարվա սկզբի համեմատ աճել է 166.24 միլիոն դոլարով, իսկ ապրիլի համեմատ՝ 257.37 միլիոն դոլարով։
ՀՀ արտաքին պարտքից 3 միլիարդ 493.6 միլիոն դոլարը բաժին է ընկնում ՀՀ կառավարությանը, մնացած 430.83 միլիոն դոլարը Կենտրոնական բանկի պարտքն է։
