Վթար՝ Կապան քաղաքում
Ապրիլի 27-ին, ժամը 19.10-ին տեղեկատվություն է ստացվել, որ Սյունիքի մարզի Կապան քաղաքի Գ.Նժդեհի փողոցում տեղի է ունեցել ՃՏՊ, «Վոլցվագեն» մակնիշի ավտոմեքենան դուրս է եկել ճանապարի երթևեկելի հատվածից և շրջվել Վաչագան գետի կողքով անցնող գազատարի վրա:
Դեպքի վայր է մեկնել մեկ մարտական հաշվարկ:
Պարզվել է, որ «Վոլցվագեն» մակնիշի 30 UU 878 պ/հ (վարորդ` Վ. Մ.) ավտոմեքենան դուրս է եկել ճանապարհի երթևեկելի հատվածից, մոտ 4 մ գլորվել և հայտնվել թիվ 177 տանը հարակից գազատար խողովակի վրա:
Հրշեջ-փրկարարները հոսանքազրկել են ավտոմեքենան, փակել գազի փականը և հատուկ տեխնիկայի կիրառմամբ քաղաքացիների հետ համատեղ դուրս են բերել ավտոմեքենան:
ՀՀ Արտակարգ իրավիճակների նախարարություն
