Վիճաբանության ժամանակ մարմնական վնասվածքներ պատճառողին հայտնաբերեցին

Ապրիլի 16-ին, ժամը 03.20-ին, հիվանդանոցից ոստիկանության Բաղրամյանի բաժնում հաղորդում էր ստացվել, որ «փակ գլխուղեղային վնասվածք՝ հարցականով, ճակատի շրջանի սալջարդ վերք` ձախից, ձախ ակնակապիճի շրջանի կապտուկ» ախտորոշմամբ բուժօգնության է դիմել 1986 թ. ծնված Էդգար Բ.-ն և հայտնել, որ վնասվածքներն ստացել է իրենց տան աստիճաններից վայր ընկնելու հետևանքով:

Նյութերի նախապատրաստման ընթացքում ոստիկանության ծառայողները պարզել են, որ Քարակերտ գյուղում, վիճաբանության ժամանակ, նրան հրել և գետին է գցել 1983 թ. ծնված Վարազդատ Մ.-ն:

Ոստիկանության ծառայողների բացատրական աշխատանքների շնորհիվ՝ վերջինս ներկայացել է բաժին:

Կատարվում է քննություն:

ՀՀ ոստիկանություն