Այգեձոր գյուղի տներից մեկում կիսաայրված դի է հայտնաբերվել
Ապրիլի 25-ին, ժամը 17.21-ին ահազանգ է ստացվել, որ հրդեհ է բռնկվել Սյունիքի մարզի Այգեձոր գյուղի երկհարկանի տներից մեկի առաջին հարկում:
Դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է Այգեձոր գյուղի 2-րդ փողոցի տներից մեկում:
Հրշեջ-փրկարարները տանը հայտնաբերել են 1929 թ. ծնված Վ. Թ.-ի կիսաայրված դին:
Կտրվի լրացուցիչ տեղեկություն:
ՀՀ Արտակարգ իրավիճակների նախարարություն
