Տիգրան Համասյանը՝ Աֆրիկյանների շենքի մասին. «Մենք դրա համար շատ ենք զղջալու»
Այսօր «Թումո» կենտրոնում տեղի ունեցած ասուլիսի ժամանակ, լրագրողներից մեկի այն հարցին, թե Աֆրիկյանների շենքի պահպանման համար պայքարը, որին նաև Տիգրան Համասյանն էր միացել, արդյունք չտվեց և ի՞նչ է զգում երաժիշտը այդ առումով, Տիգրան Համասյանն ի պատասխան հիշեցրեց եվրոպական քաղաքաշինության ներկա մոտեցումները. «Եվրոպացիները հնի վրա են կառուցում նոր քաղաքը` առանց քանդելու շենքերը: Նրանք նորոգում են, բայց չեն քանդում: Մենք դրա համար հետո շատ ենք զղջալու»:
