Լրագրող Արմենակ Դավթյանը չի անհետացել, նա կալանավորված է. Aysor.am
Լրագրող Արմենակ Դավթյանի նկատմամբ ՀՀ քննչական կոմիտեում խարդախության հատկանիշներով հարուցվել է քրեական գործ է: Այս մասին Aysor.am-ը տեղեկացել է ՀՀ քննչական կոմիտեից: «Այդ գործը վաղուց էր հարուցված»,- կայքի հետ զրույցում ասել է ՀՀ քննչական կոմիտեի նախագահի խորհրդական Սոնա Տռուզյանը:
Կայքի փոխանցմամբ՝ այսօր համացանցում լուրեր էին տարածվել, թե Ա. Դավթյանի հետ երեկվանից չեն կարողանում կապ հաստատել, նա անհասանելի է և ոչ ոք չգիտի նրա գտնվելու վայրը:
Ոստիկանությունից Aysor.am-ին տեղեկացրել են, որ Ա. Դավթյանը չի անհետացել, այլ պարզապես նրա նկատմամաբ քրեական գործ է հարուցվել և այս պահին կալանավորված է համարվում:
