Պուտինն այսօր Աստանայում կհանդիպի Նազարբաևի ու Լուկաշենկոյի հետ

Ռուսական РИА Новости լրատվական գործակալության փոխանցմամբ՝ Ռուսաստանի նախագահՎլադիմիր Պուտինն այսօր Աստանայում հանդիպելու է Ղազախստանի ու Բելառուսի նախագահներ Նուրսուլթան Նազարբաևի ու Ալեքսանդր Լուկաշենկոյի հետ: Այս մասին հայտնել է Կրեմլի մամլո ծառայությունը:

Հանդիպման ժամանակ նախագահները մտադիր են քննարկել երեք երկրերի առևտրային-տնտեսական համագործակցության ներկայիս վիճակն ու զարգացման հեռանկարները, եվրասիական ինտեգրացիոն գործընթացները՝ հաշվի առնելով համաշխարհային տնտեսության վրա ժամանակակից միտումների ազդեցությունը:

Բացի այդ, նրանք քննարկելու են միջազգային նշանակության այժմեական հարցեր և առաջին հերթին Ուկրաինայում տիրող իրավիճակը: Պլանավորված է, որ Աստանայում Պուտինը երկկողմ հանդիպումներ կունենա Նազարբաևի ու Լուկաշենկոյի հետ: