ԱՄՆ-ի պետպարտքը հասել է 18.1 տրիլիոն դոլարի
CBS News-ի փոխանցմամբ՝ ԱՄՆ-ը նորից հասել է պետպարտքի առավելագույն սահմանին: Այն կազմում է 18.1 տրիլիոն դոլար: Նախորդ շաբաթ ԱՄՆ ֆինանսների նախարար Ջեկ Լյուն նամակ է հղել կոնգրեսին՝ խնդրելով բարձրացնել պարտքի հնարավոր նշաձողը:
Նա ընդգծել է, որ ֆինանսների նախարարությունը պատրաստ է ձեռնարկել արտակարգ միջոցներ, որպեսզի հնարավորություն ունենա կատարելու իր ֆինանսական պարտավորությունները:
Լյուն հայտարարել է, որ պետպարտքի սահմանի մեծացումը չի նշանակում հավելյալ ծախսերի հնարավորություն, և որ նշաձողի բարձրացումը միայն կծածկի արդեն իսկ կատարված ծախսերը:
