Թուրքիան անդամակցության համար կատարել է ԵՄ-ի գրեթե բոլոր պահանջները. Վոլքան Բոզքըր
Թուրքական Hürriyet թերթի փոխանցմամբ՝ Թուրքիայի՝ Եվրամիության հարցերով պետնախարար Վոլքան Բոզքըրը Մադրիդում հայտարարել է, որ ԵՄ-ը «պետք է» բանակցային նոր գլուխ բացի Թուրքիայի հետ բանակցություններում.
«Թուրքիան ներկայումս կատարել է ԵՄ-ի գրեթե բոլոր պահանջները՝ այդ կառույցին անդամակցելու համար: ԵՄ-ը պետք է Թուրքիայի հետ բանակցություններում բացի նոր գլուխ: Խոսքը գնում է 17-րդ գլխի մասին, որն առնչվում է տնտեսությանն ու դրամավարկային քաղաքականությանը»:
Բոզքըրն ընդգծել է, որ Իսպանիան ԵՄ-ի երկրների թվում Թուրքիային ամենաշատն աջակցող երկրներից մեկն է:
