Այս պահին հայ քննիչները հարցաքննում են Վալերի Պերմյակովին
ՀՀ քննչական կոմիտեի նախագահի խորհրդական Սոնա Տռուզյանը 168.am-ի հետ զրույցում ասաց, որ հայ քննիչները հարցաքննում են Վալերի Պերմյակովին: Նրա խոսքով՝ հարցաքննությունն այժմ շարունակվում է:
Վալերի Պերմյակովը մեղադրվում է Գյումրիում Ավետիսյանների ընտանիքի 6 անդամների սպանության մեջ: Դեպքի օրը վնասվածքներ ստացած 6-ամսական Սերյոժա Ավետիսյանն էլ 7 օր անց մահացավ հիվանդանոցում: Այսօր նրան հանձնել են հողին:
