«Մենք բոլորս Ավետիսյան ենք». երթ դեպի նախագահական նստավայր
«Այսօր՝ հունվարի 14-ին, ժամը 18։00-ին Ազատության հրապարակից կմեկնարկի երթ դեպի ՀՀ Նախագահական նստավայր՝ պահանջելով հայաստանյան իշխանություններից.
1. Գյումրիում Ավետիսյանների ընտանիքի անդամների բարբարոսաբար սպանության առնչությամբ հայտարարել Սգո օրեր,
2. Ոճրագործության քննությունն իրականացնի Հայաստանի արդարադատությունը։
Նախագահական նստավայրից երթը կվերադառնա Ազատության հրապարակ՝ մասնակցելու Ամնեղ զոհերի հիշատակին նվիրված մոմավառությանը, որը կմեկնարկի ժամը 19։00-ից։
Կոչ ենք անում՝ որպես համերաշխություն և սատարում գյումրեցիներին մոմավառություն իրականացնել Հայաստանի այլ բնակավայրերում, ինչպես նաև սփյուռքի հայ օջախներում։
Մենք բոլորս Ավետիսյան ենք»:
