Համաշխարհային առաջատար մի շարք ԶԼՄ-ներ հրապարակել են Մուհամեդ մարգարեի ծաղրանկարները

Lenta.ru-ի փոխանցմամբ` համաշխարհային առաջատար մի շարք ԶԼՄ-ներ որոշել են հրապարակել Մուհամեդ մարգարեի ծաղրանկարները, որոնք կարող էին դրդաատճառ դառնալ` չորեքշաբթի ֆրանսիական Charlie Hebdo պարբերականի վրա հարձակում գործադրելու համար:

Մուհամեդ մարգարեի ծաղրանկարները հրապարակել են ամերիկյան Business Insider և Huffington Post պարբերականները: Daily Beast-ն իր հերթին հրապարակել է Charlie Hebdo-ի առավել սկանդալային 16 ծաղրանկարները, որոնք վերջինիս կողմից հրապարակվել էին դեռևս 2011 թվականին:

Մուհամեդ մարգարեի ծաղրանկարները վերստին հրապարակել են գերմանական մի շարք ԶԼՄ-ներ, ինչես նաև դանիական Berlingske թերթը: Միևնույն ժամանակ առաջատար թերթերի, հեռուստաալիքների ու լրատվական կայքերի մեծ մասը որոշել է չգնալ այդ քայլին ու չհրապարակել Մուհամեդ մարգարեի ծաղրանկարները: