ԵՄ-ը դատապարտել է Բաքվում «Ազատություն» ռադիոկայանի գրասենյակի փակումը
Ադրբեջանական Turan լրատվական գործակալության փոխանցմամբ` ԵՄ-ը Բաքվում գտնվող «Ազատություն» ռադիոկայանի ադրբեջանական ծառայության գրասենյակի փակումը գնահատում է որպես ԶԼՄ-ների ազատության ոլորտում Ադրբեջանի ստանձնած միջազգային պարտավորությունների խախտում:
Այս մասին նշված է ԵՄ-ի մամլո կենտրոնի տարածած հայտարարությունում: Դրանում Բրյուսելը Բաքվին կոչ է արել ապահովել ազատ արտահայտվելն ու երկրում վերականգնել անկախ ԶԼՄ-ների ազատությունն ու օրենքի գերակայությունը:
