«Ալ-Քաիդան» միայնակ-ահաբեկիչներին կոչ է արել պայթեցնել բրիտանական ավիափոխադրողների ինքնաթիռները. մամուլ
The Daily Mail-ի փոխանցմամբ՝ «Ալ-Քաիդա» ահաբեկչական կազմակերպությունն իր կողմնակիցներին կոչ է արել դառնալ միայնակ-ահաբեկիչներ ու ռումբեր պայթեցնել բրիտանական British Airways և EasyJet ավիափոխադրողների ինքնաթիռները:
Տվյալ կոչը հրապարակվել է «Ալ-Քաիդա» պարբերականի էջերում: Դրանում նկարագրված են ինքնաշեն ռումբեր պատրաստելու եղանակներն ու դրանցով ինքնաթիռում հայտնվելու լավագույն ուղիները:
«Ալ-Քաիդայի» կարծիքով՝ բրիտանական ինքնաթիռներում պայթյունների գրանցվելը խուճապ ու սարսափ կառաջացնի ավիափոխադրողների ուղևորների շրջանում, ինչն էականորեն կխաթարի «թշնամու տնտեսությունը»:
