Ազդեցիկ «օրենքով գողերը» ԱՊՀ-ից ու Եվրոպայից ժամանում են Մոսկվա` մասնակցելու համար տասնամյակի «սխոդկային»
Ռուսական Rosbalt լրատվական գործակալության փոխանցմամբ` ազդեցիկ «օրենքով գողերը» սկսել են ԱՊՀ երկրներից ու Եվրոպայից ժամանել Մոսկվա: Նրանք պետք է մասնակցեն «քրեական գեներալների» վերջին տարիների ամենամասշտաբային «սխոդկային»:
Այն գումարել է ռուսական մաֆիայի բոլոր բոսսերի բոս Զախարի Կալաշովը (Շաքրո-կրտսերը): Հանդիպման ժամանակ որոշվելու է ավելի քան 150 գանգսթերի ճակատագիրը, որոնց «գողական թագերը» կասկածի տակ են դրվել: Իրավապահ մարմիններում գործակալության աղբյուրը հայտնել է, որ վերջին օրերին Մոսկվա են ժամանել մի քանի տասնյակ ազդեցիկ «օրինաճանաչներ»:
Աղբյուրը հայտնել է, որ գանգսթերների խոշորագույն «սխոդկայի» անցկացումը նշանակված է մոտ ժամանակներս, հստակ ժամկետը դեռ հայտնի չէ, սակայն ամենայն հավանականությամբ դա տեղի կունենա մինչև Ամանոր, եթե իհարկե իրավապահ մարմիններն ու հատուկ ծառայությունները չորոշեն խանգարել «սխոդկային»:
