Ռուսաստանի կառավարությունը չի կարող իրեն թույլ տալ ամանորյա տևական արձակուրդներ. Պուտին
EuroNews հեռուստաալիքի փոխանցմամբ` Ռուսաստանի նախագահ Վլադիմիր Պուտինը երեկ հայտարարել է, որ կառավարությունը չի կարող իրեն թույլ տալ ամանորյա տևական արձակուրդներ: Պուտինն այդ մասին հայտարարել է նախարարների հետ հանդիպման ժամանակ, որի ընթացքում նա նրանց շնորհավորել է 2015 թվականի կապակցությամբ:
Պուտինն ընդգծել է, որ դա չի նշանակում, թե ընդհանրապես չի կարելի հանգստանալ, սակայն պետք է վերահսկել իրավիճակը: Ռուսաստանի վարչապետ Դմիտրի Մեդվեդևն իր հերթին հայտարարել է, որ կառավարությունում ստեղծվել է աշխատանքային հատուկ խումբ, որն ամանորյա տոների ժամանակ մոնիթորինգ կանցկացնի տնտեսական իրավիճակի շուրջ:
Պուտինը հայտարարել է, որ կառավարությունը մոտ հեռանկարում պետք է կենտրոնանա մասնավորապես ռուբլու փոխարժեքի պահպանման վրա:
