Այսօր մենք կարծում ենք, որ Իվանիշվիլին չպետք է հեռանար քաղաքականությունից. Գարիբաշվիլի
Новости-Грузия լրատվական գործակալության փոխանցմամբ` Վրաստանի վարչապետ Իրակլի Գարիբաշվիլին լրագրողների հետ զրույցում հայտարարել է, որ դեռ խորհրդակցություններ չեն անցկացվել նախկին վարչապետ Բիձինա Իվանիշվիլիի կողմից քաղաքականություն վերադառնալու հնարավորության շուրջ.
«Նա (Իվանիշվիլին) հայտարարել էր, որ քաղաքականություն է գալիս առավելագույնը 2-3 տարով: Այսօր մենք կարծում ենք, որ նա չպետք է հեռանար քաղաքականությունից, սակայն դա եղել է պարոն Բիձինայի ամուր ձևակերպված դիրքորոշումը:
Ինչ վերաբերում է կուսակցություն նրա ենթադրական վերադարձին, ապա այդ կապակցությամբ որևէ խորհրդակցություն չի անցկացվել: Եթե տեղի ունենա այդպիսի բան, ապա դա չի թաքցվի»:
