Ռուսաստանի անվտանգությունը չի տուժի ՆԱՏՕ-ի հետ չհամագործակցելուց. Անտոնով
Ռուսական РИА Новости լրատվական գործակալության փոխանցմամբ՝ Ռուսաստանի պաշտպանության փոխնախարար Անատոլի Անտոնովն այսօր հայտարարել է, որ ՆԱՏՕ-ի կողմից ռազմական համագործակցությունը միակողմանի դադարեցումը որևէ ազդեցություն չի ունենա Ռուսաստանի ռազմական անվտանգության վրա.
«ՆԱՏՕ-ի երկրների հետ ռազմական համագործակցության դադարեցումը որևէ խնդիր չի առաջացնի Ռուսաստանի ռազմական անվտանգության համար: Ռուսաստանի զինված ուժերը պատրաստ են յուրաքանչյուր պարագայում ապահովել Ռուսաստանի անվտանգությունն ու տարածքային ամբողջականությունը»:
Անտոնովը հիշեցրել է, որ Ռուսաստանն ու ՆԱՏՕ-ն ունեն ընդհանուր բազմաթիվ խնդիրներ, որոնք լուծման համար պահանջվում են համատեղ ջանքեր. «Մեզ համար ընդհանոր խնդիր է ահաբեկչության դեմ պայքարը, սակայն դրանից ամենակարևորն այն է, որ ահաբեկիչների ձեռքը չընկնի զանգվածային ոչնչացման զենք (ԶՈԶ), և կարևոր չէ, թե որտեղ տեղի կունենա դա»:
Անտոնովն ափսոսանք է հայտնել, որ ՆԱՏՕ-ն Աֆղանստանի ու ծովահենության դեմ պայքարի հարցերում դադարեցրել է Ռուսաստանի հետ համագործակցությունը:
