2016 թվականին Ռուսաստանի ռազմածովային ուժերը կհամալրվեն ստորջրյա մարտական ռոբոտներով
Ռուսական ТАСС լրատվական գործակալության փոխանցմամբ՝ ռուսական մարտական ստորջրյա ռոբոտների մշակումը կավարտվի 2016 թվականին: Այս մասին հայտնել է Ռուսաստանի պաշտպանական արդյունաբերությունում լրատվամիջոցի աղբյուրը:
Նրա խոսքերով՝ ստորջրյա մարտական այդ ռոբոտները կհամալրեն Ռուսաստանի ռազմածովային ուժերի կազմը և նախատեսված են լինելու հակառակորդի ավիակրային խմբավորման դեմ պայքարի համար: Աղբյուրը չի հայտնել ռոբոտների առանձնահատկությունների մասին՝ նշելով միայն, որ դրանք ունեն փոքր չափեր ու աննկատ են ռադարների համար:
Ստորջրյա մարտական ռոբոտների մշակումն ընգրկված է մինչև 2020 թվականը Սպառազինման պետական ծրագրում, որի իրագործման համար պլանավորված է ծախսել 22 տրիլիոն ռուբլի:
