ԿՀՎ-ի գործակալները կեղծ անձնագրերով մուտք են գործել ԵՄ-ի երկրներ. WikiLeaks
Gazeta.ru-ի փոխանցմամբ՝ WikiLeaks-ը երկու զեկույց է հրապարակել ամերիկյան ԿՀՎ-ի մասին, որոնցում նշված է, որ ԿՀՎ-ի գործակալներն անլեգալ հաղթահարել են օդանավակայանների մաքսային վերահսկողությունը, այդ թվում նաև կեղծ անձնագրերով մուտք են գործել ԵՄ-ի երկրներ:
Երկու գաղտնի փաստաթղթերը կոչված են օգնել պաշտոնատար անձանց շղարշի ներքո գործող ԿՀՎ-ի գործակալներին՝ համայն աշխարհում շրջանցելու համար անձնագրային վերահսկողության համակարգերը:
Բացի այդ, դրանցում խորհուրդներ են տրված, թե ինչպես պետք է պատրաստել ու անցնել հարցաքննման գործընթացը, եթե նրանք հարուցեն մաքսային ծառայության աշխատակիցների կասկածը:
