Բելառուսն ու Ռուսաստանը պայմանավորվել են առևտուր անել դոլարով
Ռուսական Интерфакс լրատվական գործակալության փոխանցմամբ` Ռուսաստանն ու Բելառուսը պայմանավորվել են Ռուսաստան մատակարարվող սննդամթերքի գները ֆիքսել դոլարով: Այս մասին երեկ հայտարարել է Բելառուսի փոխվարչապետ Միխայիլ Ռուսին:
Ռուսին ընդգծել է, որ դա արվել է նրա համար, որպեսզի բելառուսական ձեռնարկությունները չկրեն վնասներ: Ռուսական կողմը պաշտոնական մեկնաբանություններ չի տվել:
Դեկտեմբերի 18-ին Բելառուսի վարչապետ Միխայիլ Մյասնիկովիչը հայտարարել է, որ Մինսկը ռուսական առևտրային ուղղությամբ մեկ տարում կորցրել է 739 միլիոն դոլար: Նույն օրը Բելառուսի նախագահ Ալեքսանդր Լուկաշենկոն երկրի կառավարությունից պահանջել է Ռուսաստանի հետ առևտուրն իրականացնել դոլարով ու եվրոյով:
