Պեսկովը հաստատել է, որ Կիմ Չեն Ինը հրավիրվել է Մոսկվա
Ռուսական ТАСС լրատվական գործակալության փոխանցմամբ՝ Ռուսաստանի նախագահի մամլո քարտուղար Դմիտրի Պեսկովը հաստատել է, որ ԿԺԴՀ-ի առաջնորդ Կիմ Չեն Ինը հրավիրվել է Մոսկվա՝ մասնակցելու համար Հայրենական Մեծ պատերազմում տարած հաղթանակի 70-ամյակին նվիրված միջոցառումներին. «Այո՛, այդպիսի հրավեր ուղարկվել է»:
Կիմ Չեն Ինի կողմից Մոսկվա ժամանելը կլինի ԿԺԴՀ-ի ղեկավարի պաշտոնում նրա առաջին արտասահմանյան այցը: Դեռ հայտնի չէ, թե նա ինչ եղանակով կնախընտրի ժամանել Մոսկվա: Նրա հայր Կիմ Չեն Իրը նախապատվությունը տվել է զրահապատ հատուկ գնացքին, որով երեք անգամ այցելել է Ռուսաստանի մայրաքաղաք:
Սրանից առաջ ԶԼՄ-ները հայտնել էին, թե Կիմ Չեն Ինը կարող է 2015 թվականի մայիսին ժամանել Մոսկվա:
