Օբաման ստորագրել է Ռուսաստանի դեմ նոր պատժամիջոցների օրենքը
Բրիտանական Reuters լրատվական գործակալության փոխանցմամբ` ԱՄՆ նախագահ Բարաք Օբաման օրենք է ստորագրել, որը թույլ է տալիս նոր պատժամիջոցներ սահմանել Ռուսաստանի դեմ: Դրա հետ մեկտեղ Օբաման ընդգծել է, որ մտադիր չէ օգտագործել այն:
Օբամայի խոսքերով` ԱՄՆ-ն ու նրա դաշնակից եվրոպական երկրները շարունակում են ակնդետ հետևել Ուկրաինայում տիրող իրավիճակին, և եթե կարիք լինի, ապա կարձագանքեն Ռուսաստանի գործողությունններին` մտցնելով հավելյալ սահմանափակիչ միջոցներ: Նա ընդգծել է, որ Վաշինգտոնը նախկինի նման պատրաստ է չեղյալ հայտարարել պատժամիջոցները, սակայն Մոսկվան պետք է ձեռնարկի անհրաժեշտ քայլեր:
