Անթույլատրելի է Ռուսաստանի կողմից Ղրիմում միջուկային զենք տեղակայելը. Նուլանդ
Ամերիկյան The Washington Free Beacon պարբերականի փոխանցմամբ՝ ԱՄՆ պետքարտուղարի օգնական Վիկտորյա Նուլանդը հայտարարել է, որ անթույլատրելի է Ռուսաստանի կողմից Ղրիմում միջուկային զենք տեղակայելը: Նուլանդը զգուշացրել է ԱՄՆ-ի ու նրա դաշնակիցների կողմից այդ քայլի հետևանքների մասին, եթե Կրեմլը չլսի իրենց.
«Ղրիմը պատկանում է Ուկրաինային: Այդ տարածաշրջանի հետագա ռազմականացման յուրաքանչյուր փորձ կլինի չափազանց վտանգավոր և անպատասխան չի մնա մեր կողմից: Այդ քայլը կարող է չափազանց վտանգավոր լինել Ռուսաստանի համար»:
Հիշեցնենք, որ ավելի վաղ Ռուսաստանի արտգործնախարար Սերգեյ Լավրովը չէր բացառել, որ Ռուսաստանը կարող է միջուկային զենք տեղակայել Ղրիմում՝ ընդգծելով, որ դա համապատասխանում է միջազգային իրավունքին:
