Գիտնականները հայտնաբերել են արյան քաղցկեղի առաջացման պատճառը
Հարվարդի և Մասաչուսեթսի համալսարանի գիտնականները արյան մեջ հայտնաբերել են գեների մուտացիա, որոնք կապված են արյան քաղցկեղի առաջացման բարձր ռիսկերի հետ:
Ըստ գիտնականների` մուտացիան տեղի է ունենում արյան ցողունային բջիջների մեջ:
Սովորաբար գեների մուտացիան հայտնաբերելու համար գենետիկ հետազոտությունները իրականացվում են քաղցկեղի ուշ փուլերում: Այդ նպատակով գիտնականները մուտացիան ուսումնասիրել են առողջ մարդկանց արյան մեջ` հետազոտելով սոմատիկ մուտացիաները, ԴՆԹ-ի մեջ սխալները, որոնք կուտակվում են ժամանակի ընթացքում:
Նախաքաղցկեղային այդ մուտացիաները, որոնք հեշտությամբ հայնաբերվել են ԴՆԹ-ի միջոցով, հազվադեպ են հանդիպում մինչև 40 տարեկան մարդկանց մոտ: Սակայն տարիքին զուգահեռ դրանք ավելի տարածված են դառնում:
