ԵՄ-ն իրավունք չունի Թուրքիայից պահանջել ազատ արձակել Գյուլենի կողմնակիցներին. Չավուշօղլու
Թուրքական TRT Haber հեռուստաալիքի փոխանցմամբ` Թուրքիայի արտգործնախարար Մևլյութ Չավուշօղլուն Նորվեգիայի արտգործնախարար Բորգե Բրենդեի հետ համատեղ մամլո ասուլիսի ժամանակ արձագանքել է դեկտեմբերի 14-ին Թուրքիայում լրագրողների ձերբակալման կապակցությամբ ԵՄ-ի հնչեցրած քննադատությանը.
«ԵՄ-ն իրավունք չունի Թուրքիայից պահանջել ազատ արձակել Գյուլենի կողմնակիցներին: Դա անընդունելի է: Գյուլենի կողմնակիցներին ձերբակալելը քաղաքական հարց չէ: Սա իրավական գործընթաց է»: Հիշեցնենք, որ Թուրքիայի նախագահ Ռեջեփ Էրդողանը նույնպես քննադատել էր ԵՄ-ին:
