Brent տիպի նավթի գինը վերջին հինգ տարում առաջին անգամ նվազել է 60 դոլարից
Lenta.ru-ի փոխանցմամբ` Brent տիպի մեկ բարել նավթի գինը նվազել է 60 դոլարից, ինչն աննախադեպ իրադարձություն է` սկսած 2009 թվականի հուլիսից: Այս մասին են վկայում ICE ֆյուչերսային բորսայի տվյալները, որոնց համաձայն` մեկ բարել նավթի գինը կազմել է 59.5 դոլար:
Դեկտեմբերի 12-ին Նավթ արտահանող երկրների կազմակերպության (OPEC) նավթային զամբյուղի արժեքն ընկել էր մինչև մեկ բարելի համար 58.65 դոլարի: Սրանից առաջ հաղորդվել էր, որ OPEC-ը չի կրճատի նավթի արդյունահանման ծավալը, եթե անգամ մեկ բարել նավթի գինը նվազի մինչև 40 դոլարի:
