Նազարբաևը կարող է միջնորդի դերում հանդես գալ Դոնբասի շուրջ բանակցություններում. աղբյուր
ZN.UA-ի փոխանցմամբ` դեկտեմբերի 22-ին Ուկրաինա պետք է ժամանի Ղազախստանի նախագահ Նուրսուլթան Նազարբաևը: Այս մասին հայտնել է լրատվամիջոցի աղբյուրը: Այցի հիմնական նպատակն Ուկրաինայի ճգնաժամի կարգավորման համար բանակցություններում Նազարբաևի միջնորդական առաքելությունն է:
Բացի այդ, ակնկալվում է, որ մինչև ընթացիկ շաբաթվա ավարտ Ղազախստանի կառավարությունը որոշում կընդունի Ուկրաինային հումանիտար օգնություն հատկացնելու մասին, որը Խարկով կհասցվի երկաթուղային ճանապարհով:
Ուկրաինայի նախագահի աշխատակազմի պետի տեղակալ Վալերի Չալին երեկ հայտարարել է, որ մոտ ժամանակներս եռակողմ շփման խմբի գումարման մասին կարող են բանակցություններ անցկացվել Ռուսաստանի նախագահ Վլադիմիր Պուտինի հետ:
