ԱԺ 4 խմբակցությունները բոյկոտեցին արտահերթ նիստը, նրանք ստորագրահավաք են սկսում
ԱԺ նախագահ Գալուստ Սահակյանի մոտ խմբակցությունների ղեկավարների խորհրդակցությունից հետո Գ.Սահակյանը հայտարարեց, որ հայտարարության տեքստ կհրապարակվի ԱԺ կողմից՝ քաղաքական ուժերի ստորագրությամբ: Նա խմբակցությունների ղեկավարներին խնդրեց համատեղ տեքստը պատրաստել և ստորագրել:
«Եթե նպատակահարմար կգտնեք, կարող ենք արտահերթ նիստ հրավիրել այսօր ժամը 18:30-ին: Այս նիստը ընդհատելը որևէ օրենքի հետ աղերս չունի: Դա կդիտվի որպես ձախողում ԱԺ աշխատանքների»,- ասաց Գ.Սահակյանը:
«Ժառանգություն» խմաբակցության ղեկավար Ռուբիկ Հակոբյանը հայտարարեց, որ կա քաղաքական ուժերի համաձայնությունը և, հիշեցնելով, որ հայտարարել են, որ քանի դեռ այս հարցը չի քննարկվել, իրենք բոյկոտում են այս նիստը՝ ՀԱԿ-ը, ԲՀԿ-ն, Ժառանգությունը և ՕԵԿ-ը: Այս հայտարարությունից հետո նշված խմբակցությունների պատգամավորները լքեցին դահլիճը:
ԱԺ չորս խմբակցությունները պատրաստվում են ԱԺ քարտուղարությունից ձևաթուղթ վերցնել և այսօր ժամը 18:30-ին արտահերթ նիստ հրավիրելու պահանջով ստորագրություն հավաքել:
