Ֆրանսուա Օլանդի ամսական կենսաթոշակը կկազմի ավելի քան 15.000 եվրո
Ֆրանսիական BFM հեռուստաալիքի փոխանցմամբ՝ Ֆրանսիայի նախագահ Ֆրանսուա Օլանդն իր լիազորությունների ավարտից հետո կարող է հույսեր ունենալ, որ կստանա 15.000 եվրո թոշակ:
Այս մասին հայտարարել է Ֆրանսիայի նախագահի կաբինետի տնօրեն Սիլվի Յուբակը. «Ընդհանուր առմամբ կենսաթոշակային տարիքի հասնելիս Ֆրանսուա Օլանդը կարող է հավակնել 15.114 եվրո ամենամսյա դրամական նպաստի»:
Յուբակը դրանով իսկ հերքել է ավելի վաղ ֆրանսիական Marianne պարբերականում տեղ գտած այն տեղեկատվությունը, թե Հինգերորդ հանրապետության 7-րդ նախագահի թոշակը կազմելու է 36.000 եվրո: Ֆրանսիական ԶԼՄ-ների տվյալներով՝ Օլանդի կարողությունը գնահատվում է 1 միլիոն եվրո: