Մոսկվան Պորոշենկոյի խոսքերի համար պաշտոնական պարզաբանում է պահանջելու Կիևից. Լուկաշևիչ
Ռուսական РИА Новости լրատվական գործակալության փոխանցմամբ՝ Մոսկվան պաշտոնական պարզաբանում է պահանջելու Կիևից՝ կապված սահմանը փակելու վերաբերյալ Ուկրաինայի նախագահ Պյոտր Պորոշենկոյի արած հայտարարության հետ: Այս մասին հայտարարել է Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչը.
«Կարծես թե, կպահանջվի հավելյալ պարզաբանում՝ Ավստրալիայից Ուկրաինայի նախագահի արած հայտարարության համար: Կարծում եմ, որ մենք մի շարք կապուղիներով կպահանջենք պաշտոնական պարզաբանում այդպիսի դիրքորոշման համար»:
Լուկաշևիչն ընդգծել է, որ ԴԺՀ-ն ու ԼԺՀ-ն ահաբեկչական կազմակերպություններ ճանաչելու մասին Ուկրաինայի Գերագույն ռադայի դիտարկմանը ներկայացված օրինագիծն անհեթեթություն է և հանդիսանում է բանակցությունները տապալելու փորձ: Ավել վաղ հաղորդվել էր, որ Պորոշենկոն Ռուսաստանին կոչ է արել փակել սահմանն ու սեփական զորքերը դուրս բերել Ուկրաինայի տարածքից:
