Մոսկվայի ու Ցխինվալիի պայմանագիրն էլ ավելի կսրի ՌԴ-ի ու Արևմուտքի հարաբերությունները. Աբաշիձե
Новости-Грузия լրատվական գործակալության փոխանցմամբ՝ համագործակցության ու գործընկերության մասին պայմանագիրը, որը Ռուսաստանը պլանավորում է ստորագրել նաև Հարավային Օսիայի դե-ֆակտո իշխանությունների հետ, էլ ավելի կսրի Արևմուտքի ու Կրեմլի հարաբերությունները:
Այս մասին հայտարարել է Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուըրաբ Աբաշիձեն:
Նա ընդգծել է, որ Ռուսաստանին չպետք է հետաքրքրի Ցխինվալի հետ այդպիսի կամ նմանատիպ պայմանագրի ստորագրումը, ինչպիսին որ նա ստորագրել է Սուխումի հետ, քանի որ դրա հետևանքով կսրվեն Արևմուտքի հետ հարաբերությունները:
Հարավային Օսիայի նախագահ Լեոնիդ Թիբիլովը չորեքշաբթի հայտարարել է, որ պլանավորված է 2015 թվականի սկզբին Ռուսաստանի հետ ստորագրել դաշնակցության ու գործընկերության մասին պայմանագիր: ՌԴ ԱԳՆ-ը հայտարարել է, որ Աբխազիայի ու Հարավային Օսիայի հետ իր հարաբերությունների զարգացումն ուղղված չէ երրորդ երկրի դեմ:
