Ի հայտ է եկել Ուկրաինայում խաղաղություն հաստատելու հնարավորություն. Լավրով
Ռուսական ТАСС լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը հայտարարել է, որ Ռուսաստանը կողմ է, որ Ուկրաինայի գծով շփման խումբը հավաքվի հնարավորինս արագ.
«Ներկայումս մեզ համար կարևոր է գտնել շփման խմբի վերսկսման եղանակը՝ ուկրաինական ղեկավարության, ԴԺՀ-ի ու ԼԺՀ-ի, Ռուսաստանի ու ԵԱՀԿ-ի ներկայացուցիչների մասնակցությամբ:
Բառացիորեն այս օրերին համաձայնեցվում է մինսկյան հանդիպումների անցկացման գրաֆիկը, մենք ակտիվորեն աջակցում ենք նրան, որ համաձայնությունը ձեռք բերվի հնարավորինս շուտ: Ի հայտ է եկել Ուկրաինայում խաղաղություն հաստատելու հնարավորություն: Դժվարությամբ, սակայն ամեն դեպքում հաստատվել է հրադադարի ռեժիմ»:
