Դաղստանում վնասազերծվել է 5 զինյալ. հատուկ գործողությունն ընթացքի մեջ է
Ռուսական ТАСС լրատվական գործակալության փոխանցմամբ՝ Դաղստանում հայտնաբերվել ու վնասազերծվել են զինյալներ, որոնք պատանդ էին պահում կանանց ու երեխաների: Այս մասին հայտարարել է Ազգային հակաահաբեկչական կոմիտեի Տեղեկատվական կենտրոնը:
Ազգային հակաահաբեկչական կոմիտեն տեղեկություններ է ստացել, որ Հյուսիսային Կովկասի տարածքում ընդհատակյա գործունեություն ծավալած զինյալների խումբը հանգրվանել է Դաղստանի մարզի Գուրբուկի գյուղի մասնավոր տներից մեկում, ինչից հետո շրջապատվել է տունը, իսկ մոտակա տների բնակիչներին տարհանել են:
Բանակցությունների ժամանակ հաջողվել է զինյալներին համոզել բաց թողնել երկու կնոջ ու երեխաների, իսկ երբ նրանց առաջարկել են հանձնվել, նրանք կրակ են բացել հատուկջոկատայինների վրա: Փոխհրաձգության ժամանակ սպանվել է 5 զինյալ: Ընդգծվում է, որ քաղաքացիական բնակչության ու իրավապահների շրջանում չկան կորուստներ: Հատուկ գործողությունը շարունակվում է:
