Էրդողանն Անկարայում դռնփակ հանդիպում է ունեցել Մատեո Ռենցիի հետ
Թուրքական Anadolu լրատվական գործակալության փոխանցմամբ՝ Թուրքիայի նախագահ Ռեջեփ Էրդողանն Անկարայում ընդունել է պաշտոնական այցով Թուրքիայում գտնվող Իտալիայի վարչապետ Մատեո Ռենցիին: «Աք Սարայ» նախագահական նստավայրում տեղի ունեցած այդ հանդիպումն անցել է դռնփակ պայմաններում ու տևել է մեկուկես ժամ:
Ավելի վաղ հաղորդվել էր, որ հանդիպման ժամանակ կողմերը քննարկելու են երկկողմ հարաբերությունների զարգացման հարցը, ԵՄ-ին Թուրքիայի անդամակցության հարցը, տարածաշրջանային ու միջազգային մի շարք հարցեր և մասնավորապես Իրաքում ու Սիրիայում տիրող իրավիճակը:
Մատեո Ռենցին երկօրյա այցով Թուրքիա է ժամանել երեկ և այցելել է Անթըքաբիր՝ Քեմալ Աթաթուրքի դամբարան: Այսօր Ստամբուլում անցկացվելու է թուրք-իտալական գործարար ֆորում, որին մասնակցելու են Ռենցին ու Թուրքիայի վարչապետ Ահմեթ Դավութօղլուն:
