Վրաստանի զինված ուժերի առավելագույն թվակազմը կկազմի 37.000 զինծառայող
Грузия Online-ի փոխանցմամբ՝ Վրաստանի խորհրդարանը հստակեցրել է երկրի զինված ուժերի կոնտինգենտի առավելագույն թվակազմը: Այն վերստին կկազմի 37.000 զինծառայող: 2008 թվականի հուլիսից հետո Վրաստանի զինված ուժերի կոնտինգենտի առավելագույն թվակազմը կազմում է 37.000 զինվորական:
ԱՄՆ Կոնգրեսն օտար ռազմական ֆինանսավորման ծրագրի շրջանակներում Վրաստանին հատկացնելու է 30 միլիոն դոլար՝ համաձայն նախապես նրա հետ ձեռք բերած պայմանավորվածության: Վրաստանի ԱԳՆ-ը հայտնել է, որ դա նախատեսված է 2015 թվականի ԱՄՆ-ի պետբյուջեով:
