Առաջիկա 5 տարում Թուրքիայի խոշոր քաղաքների թիվը 30-ից կհասցվի 40-ի
Թուրքական Dünya Bülteni լրատվական կենտրոնի փոխանցմամբ՝ Թուրքիայում 5 տարվա ընթացքում մեծ քաղաքների թիվը ներկայիս 30-ից կհասցվի առնվազն 40-ի: Այս մասին հայտարարել է Թուրքիայի փոխվարչապետ ու կառավարության խոսնակ Բյուլենթ Արընչը:
Նա մանրամասնել է, որ 2019 թվականին Թուրքիայում կայանալիք ՏԻՄ ընտրություններից առաջ երկիրը կունենա նվազագույնը 40 խոշոր քաղաք: Արընչի խոսքերով՝ ներկայումս գործող 30 խոշոր քաղաքներին բաժին է ընկնում բնակչության 72 տոկոսը, և իրենք մտադիր են այդ ցուցանիշը հասցնել 80-85 տոկոսի:
Հիշեցնենք, որ սրանից առաջ էլ հաղորդվել էր, թե Թուրքիայում ցանկանում են փոխել ընտրական համակարգը՝ երկիրը բաժանելով 550 «նեղ» գոտու: Թուրքիայում խոշոր քաղաքներ են համարվում 750.000 և ավելի բնակչություն ունեցող քաղաքները:
